Məlumatlandırmanı necə edirsiniz? – WhatsApp ilə
Hesabatı necə alırsınız? – WhatsApp ilə
Təsdiqləri necə verirsiniz? – WhatsApp ilə
Müştəri ilə görüşün nəticəsini hara yazırsınız? – WhatsApp-a
Nəzarəti necə edirsiniz? – WhatsApp ilə şəkil çəkib atırlar
…………….
Bu dialoqlar konsaltinq layihələrimizin çoxunda diaqnostika zamanı şirkət rəhbərliyi ilə aramızda baş verir. Biz də başımızı tuturuq ki, “Ay Allah, belə sistem olar?” 😀
WhatsApp özlüyündə problem deyil, təbii ki. Çox faydalı, lazımlı bir alətdir. Bununla belə, bir çox sahibkarlarımız WhatsApp-dan çox yanlış istiqamətdə istifadə edərək özlərini dalana salırlar, inkişaflarına mane olurlar.
Nəticədə:
-Effektiv kommunikasiya qurmaq olmur
-CRM sistemi qurulmur və ya effektiv olmur
-Biznes proseslər, sənəd mübadiləsi, məlumat axışı çox qeyri-effektiv və bərbad olur
-Effektiv və sivil nəzarət sistemi olmur
-Mikromenecment ən biabırçı səviyyədə olur
-Zamanın idarə olunmasının effektivliyi xeyli aşağı düşür və s.