Çox eşidirik ki,
“Qadınlar çox emosionaldırlar, onların idarəetməsi problem yaradır”
“Filankəs uşaqlıqdan sakitdir, ondan idarəçi olmaz”
“Filankəsin xasiyyəti çox sərtdir, idarəetməyə yaramaz” və s.
Doğrudanmı belədir?
Xeyr. Bəsit yanaşmadır.
İdarəetməyə bir ciddi peşə/sahə kimi baxsaq, onun alətləri, texnikaları, qaydaları, prinsipləri var. Bunları öyrənməyib təbii halımızı (emosional, sakit, intravert, sərtlik və s.) idarəetməyə yönəltsək, təbii ki, yuxarıdakı fikirlər aktual ola bilər.
Bəs necə olmalıdır? Biz idarəetmədə necə yanaşmalı olduğumuzu bilməliyik. Peşəkar idarəçiliyin bizdən nələrin tələb etdiyini bilməliyik. İstəyir qadın olsun, kişi olsun, intravert olsun, ekstravert olsun – fərq etmir. Davranışlarımıza və yanaşmalarımıza çəki-düzən verməliyik. Bunun üçün idarəetməni yaxşı öyrənmək lazımdır.
Yəni kiminsə qadın/sakit/sərt olması problem yaratmır, idarəçiliyi bilməməsi problem yaradır.
