NPS (Net Promoter Score) dedikdə uzun illərdir əsasən müştəri məmnuniyyətinin ən populyar ölçü vahidi başa düşülür. Bu öz yerində..
Dünyanın ən böyük menecment konsaltinq şirkətlərindən olan BAIN şirkətinin NPS-ə yanaşmasını çox bəyənirəm. Onlar Net Promoter SCORE deyil, “Net Promoter SYSTEM” olaraq yanaşırlar NPS-ə. Və əsas ideya bundan ibarətdir ki, daxili və xarici müştərilərin məmnuniyyətini, loyallığını artırmaq üçün davamlı olaraq şirkətin idarəetmə sistemi təkmilləşməlidir. Şirkət müştəri-mərkəzli olmalıdır. Müştəri (həm də daxili müştəri) şirkətin əsas istinad yeri olmalıdır. Bu, artıq biznes ideologiyasıdır. Bu ideologiya şirkətin korporativ mədəniyyəti ilə bütünləşərək şirkətin inkişafının və rəqabətliliyinin özülü olmalıdır.
Net Promoter System yanaşması deyir ki, NPS yalnızca ölçü vahidi deyil, biznesin işləmə yoludur. Yəni biz müştəriləri məmnun etməyin yolunu doğru şəkildə biləndən sonra bütün işimizi, strategiyamızı, sistemimizi ona uyğun şəkildə quracağıq.