Hansı sahibkarla, şirkət rəhbəri ilə söhbət edirsən, işçi tapa bilmədiklərini deyirlər. Burda təbii ki, müəyyən qədər obyektiv problemlər də var. Amma əsas məsələ odur ki, əmək bazarı dəyişib. Daha heç vaxt əvvəlki kimi olmayacaq. Bunun adı “çətin”dirsə, elə “çətin” də olacaq. Çünki əvvəllər işəgötürənlərin aşkar dominantlığı var idi. Obrazlı desək, “əllərini atıb istədikləri maaşla işçi götürürdülər”. İndi elə deyil. Xüsusilə gənc nəsil çox seçicidir. “Əsas iş olsun” deyib harda gəldi işləmirlər.
Normalı elə budur. Əvvəl normal deyildi. 🙂 Uyğunlaşmaq lazımdır yeni normala. İşəgötürən brendini gücləndirmək, işəgötürmə sistemini təkmilləşdirmək lazımdır. Yaxşı iş yeri kimi fərqimizi ortaya qoymalıyıq. Bir də yetişdirmək lazımdır kadrları.
