“Davamlı təkmilləşmə” (continuous improvement) fəlsəfəsi çox əsaslıdır və bir çox hallarda özünü doğruldur. Bir çox şirkətlər bunun sayəsində prosesləri yaxşılaşdırıb, xərcləri azaldıb, keyfiyyəti yüksəldib və s.
Amma elə “başımı aşağı salıb yavaş-yavaş düzəldəcəm” demək həmişə ən doğru seçim olmur. Bu yanaşmanın ən mənfi cəhəti radikal dəyişiklik zərurətini “görməməkdir” bəzən. Mövcuda çox kilidləyir şirkəti. Bəzi hallarda isə yanlış və vaxtı keçmiş biznes modeli bir az daha yaxşılaşdırmağa xidmət edir. Ona görə də bir çox hallarda tədrici yaxşılaşma yox, ciddi transformasiya labüd olur. Sınıq binanı hər gün təmir etmək onu sağlam etmir. Bəzən söküb yenidən tikmək lazımdır.
Yekun nəticə çıxarsaq, “davamlı təkmilləşmə” yanaşması bir çox hallarda köməyə gəlir, amma bütün hallarda strateji düşüncə prioritet olmalıdır.
