Müasir biznes mühitinin bizneslərdən ən çox istədiyi qabiliyyətlərdən biri uyğunlaşa bilmədir. Biznes mühiti o qədər sürətlə dəyişir ki, ləng şirkətlərin dövrü deyil artıq.
Çox qısa müddət ərzində strategiyanda, biznes modelində tələb olunan dəyişiklikləri etməlisən. Əks halda aktuallığını itirə bilərsən. Biz Covid19 pandemiyası vaxtı bunu açıq şəkildə gördük. Heç kimin gözləmədiyi situasiya yaranmışdı. Şirkətlər fakt qarşısında qalmışdılar. Yeganə çıxış yolu bu idi:
1. Reallığı dərk etsinlər, nə baş verdiyini və biznesə təsirləri düzgün təhlil etsinlər
2. Vəziyyəti maraqlı tərəflərlə (işçilər, müştərilər, təsüsçilər, tədarükçülər və s.) açıq şəkildə danışmaq və hər kəsin situasiyaya adekvat baxışına nail olmaq
3. Həmin maraqlı şəxslərlə məsləhətləşərək çevik şəkildə çıxış yolları axtarmaq
4. Çıxış yollarının düzgün kommunikasiyası və icrası
Bunlar böhran menecmentinə aid məsələlərdir və çox vacibdir hər bir şirkət üçün.
