Bilirik ki, bu günün ən önəmli bacarıqlarından biri öyrənmək (learning) bacarığıdır. Bunun içində araşdıra bilmək, doğru mənbələrə çıxmaq, müxtəlif məlumatların ümumiləşdirilməsi, unlearning və s. var.
Burda ən vaciblərindən biri #unlearning bacarığıdır. Unlearning – bəzi biliklərimizdən vaz keçmək bacarığıdır. Bəzən yanlış bildiyimiz və ya aktuallığını itirmiş hansısa bilgi beynimizdə qalır, ona tərs olan yeni bilgilərə açıq olmuruq. Bu bizim zamanla ayaqlaşmağımıza, inkişaf etməyimizə mane olur. Unlearning’ə mane olan başqa bir amil isə “mənbə kultu”dur. Kult kimi qəbul etdiyimiz mənbələr olur ki, ordan öyrəndiklərimizi həmişə müdafiə edirik yerli-yersiz. Müxtəlif adamlar üçün “mənbə kultu” hansısa sevimli müəllimi, hansısa dahi şəxsiyyət, tanınmış jurnal (Forbes, The Economist və s.), nüfuzlu website və s. ola bilər.