Strategiyası olan şirkətlərin bir çoxu strategiyanın icrasına bir layihə kimi yanaşırlar. Bəzi hallarda ayrıca komanda ayırırlar strategiyanın icrası üçün. Şirkət rutin işinə davam edir, buna paralel də kimlərsə strategiya adı altında işlər görür. Bu, o deməkdir ki, həmin şirkətdə strategiya var, amma strateji idarəetmə yoxdur.
Strategiya şirkətin özü olmalıdır. Şirkət strategiyanın üzərində yeriməlidir. Şirkətdə hər bir şey strategiyaya əsaslanmalıdır: bütün görülən işlər, proseslər, struktur, vəzifələr, büdcə və s. Yalnız bu halda şirkətdə strateji idarəetmənin olduğundan, strateji yetkinlikdən danışa bilərik.
