Standartdan kənarlaşa bilmək rəhbər üçün çox vacib xüsusiyyətdir. Rəhbərlər davamlı şəkildə çox standart, asan proqnozlaşdırılan, hamar, “ütülü” davranışlar sərgiləyərlərsə, onların fərq yaratmaqları çox çətin olar. Rəhbərin fərq yaratması bir çox hallarda məhz qeyri-adi görünən davranışların, qərarların hesabına olur. Buraya risk götürmək də daxildir. Şirkəti növbəti mərtəbəyə daşımaq üçün cəsarətli olub ağıllı risklər götürmək lazım olur.