İdarəetmənin effektivliyini artırmaq üçün sistemli yanaşmaya ehtiyac duyulur. İdarəetmənin sistemli olmasının vacibliyindən hamı danışır. Bəs idarəetməni sistemli edən nədir?
Məlumdur ki, hər bir sistem elementlərdən təşkil olunur. İdarəetmə sistemində də yüzlərlə element var: Struktur, bonus sistemi, vəzifə bölgüsü, qiymət siyasəti, məhsul portfeli, işəgötürmə sistemi və s.
Bu elementlərin cəminə o zaman “sistem” deyə bilərik ki, bu elementlərin qarşılıqlı əlaqəsi təmin olunsun. Qarşılıqlı əlaqənin təmin olunması üçün də istinad nöqtəsi (yeri) lazımdır. Biznesdə həmin o istinad nöqtəsi STRATEGİYAdır. Şirkətdə hər bir şey strategiyadan irəli gəlməlidir, o cümlədən sistemi təşkil edən bütün elementlər. Bunun üçün şirkətdə güclü strategiya olmalı və onun əsasında sağlam/effektiv idarəetmə sistemi hazırlanmalıdır, zamanla təkmilləşdirirlməlidir.
