İdarəetmənin ən köklü suallarından biri şirkət mədəniyyətinin, yoxsa strategiyanın əsas olmasıdır. Mədəniyyət strategiyanı müəyyən edir, yoxsa strategiya mədəniyyəti? Hansı daha fundamentaldır? Müxtəlif yanaşmalar var. Məsələn, Peter Drucker demişdi ki, “Şirkət mədəniyyəti strategiyanı səhər yeməyində yeyər”. Druckerin dediyi əksər hallarda baş verən reallığın ifadəsidir. Çünki biznes sahibləri gərəkən strategiya ilə getməkdən daha çox bizneslərində formalaşmış yanaşmalardan, baxışlardan (formalaşmış mədəniyyətdən) kənara çıxa bilmirlər.
Əslində necə olmalıdır bəs? Mənim fikrimcə şirkət mövcud şəraitə uyğun (bazar, imkanlar, trendlər, şirkətin gücü və s. nəzərə alınmaqla) strategiya müəyyən etməlidir, şirkət mədəniyyətini də strategiyasına uyğunlaşdırmalıdır. Bu, daha çətinidir əlbəttə. Buna görə reallıqda əksi daha çox müşahidə olunur.
Sizin də fikirləriniz maraqlıdır.
