Məlumdur ki, şirkətlər böyüyəndə əvvəlki kimi rahat idarə etmək olmur. Çünki “böyüyün böyük dərdi” olur. Menecmentdən peşəkarlıq tələbi get-gedə artmış olur.
Xüsusilə diqqət edilməli bəzi məsələlər:
1. Şirkətin biznes modeli, strukturu, idarəetmə sistemi optimallaşmalıdır. Şirkətin yeni strategiyasına və hədəflərinə, yeni reallıqlarına uyğunlaşdırmaq lazımdır.
2. Pul vəsaitini idarə etmək xüsusi həssaslıq tələb edir. CCC (Cach conversion cycle), və ya “nağd vəsaitin dövretmə tsiklini” nəzarətdə saxlamaq lazımdır, əks halda böyük problemlər yarana bilər. Bu haqda ayrıca post yazaram.
3. Çalışmaq lazımdır ki, böyümə birtərəfli olmasın, balanslı olsun. Əks halda şirkət bir gün tıxanacaq, dalana girəcək və çıxmaq çox çətin olacaq. Yəni şirkət böyüdükcə sənin işçilərin də ona hazır olmalıdır, resursların da, maliyyə vəziyyətin də, biznes proseslərin də, idarəetmə sistemin də, müştərilərlə işin keyfiyyəti də, şirkətdaxili mühit də və s. Məsələn, bəzən görürük ki, şirkət böyüdükcə daha çox müştəriyə xidmət göstərmək istəyir, əvəzində əvvəlki sadiq müştərilərini itirir, çünki əvvəlki keyfiyyətdə xidmət göstərə bilmir. Buna görə də balans önəmlidir və bu nüansları diqqətdə saxlamaq lazımdır.