Biz hansısa şirkətdə işləməkdən məmnun ola bilərik. Şirkətə rəğbətimiz ola bilər, sevgimiz ola bilər, bağlılığımız ola bilər.. Amma heç vaxt bizim əsas məqsədimiz konkret hansısa şirkətdə qalıb işləmək ola bilməz. Təbii ki, söhbət sahibkarlardan getmir burda. İşçilərdən, menecerlərdən gedir söhbət.

Biz peşəkarıqsa, bütün planlarımızı, prinsiplərimizi hansısa şirkətə həsr etməməliyik. Bizim özümüzə məxsus vizyonumuz, hədəflərimiz, planlarımız, prinsiplərimiz, qırmızı xətlərimiz olmalıdır.

Kimin üçünsə hansısa şirkətdə qalmaq ana məqsəddirsə, həmin adamdan hər şey (və ya çox şey) gözləmək olar. Vəzifədə qalmaq üçün özünə bir çox şeyləri rəva bilər. Təhlükəlidir o insanlar. Sahibkarlar da bu amilin fərqində olmalıdırlar və sadiqlik tərəzilərini bir daha nəzərdən keçirməyə ehtiyac var. Biz nəyə deyirik sadiqlik? Nə olursa olsun şirkətdə qalıb işləməyəmi?