Evdən (kənardan) işləmək niyə tam qəbul olunmur?

Kənardan və ya hibrid işləməyin çoxsaylı tərəfdarları olsa da, xeyli işəgötürənlər bunu qəbul etmirlər və məhsuldarlığın azalacağından narahatlıqlarını bildirirlər. Bununla bağlı fikirlərim:
Dəqiq olan odur ki, tədricən ənənəvi iş qaydası şəklini dəyişəcək. Hazırda dünya buna tam hazır deyil. Həm texnoloji baxımdan, həm vərdiş və ənənələr baxımından, həm də idarəetmə tərzi baxımından. Bu vaxta kimi mövcud olan, oturuşmuş və effektiv idarəetmə alətlərinin bir çoxu məhz ənənəvi iş qaydasına hesablanıb. Hər kəs ofisdə olanda
–       kommunikasiya daha asan olur,
–       şirkət mədəniyyətini daha asan formalaşdırmaq və qorumaq olur,
–       komandada həyəcan yaratmaq daha asan olur
–       iş yerindəki sosiallaşma işçilərin motivasiyasına müsbət təsir göstərir
–       komanda ruhunu inkişaf etdirmək daha asan olur və s.
Bütün bu sadalanan və sadalanmayan amilləri asanlıqla kənara qoyub evdən işləməyə və ya hibrid işə keçmək o qədər də asan deyil. Ona görə də bu qeyd olunanlara alternativ, effektiv idarəetmə alətlərinin ortaya çıxmasından asılı olacaq çox şey. Bu sahədə nə qədər proqres olsa, şirkətlərin narahatlığı bir o qədər azalmış olar və proses sürətlənər.