“Problemli uşaq” dedikdə:
– problemli (ipə-sapa yatmayan, davamlı problem çıxaran) işçi ola bilir,
– problemli mağaza ola bilir
– problemli filial ola bilir
– problemli tədarükçü ola bilir
– problemli müştəri ola bilir və s.
“Problemli uşaqlar” bizim vaxtımızı, enerjimizi, digər resurslarımızı aşırı və davamlı olaraq məşğul edirlər. Belə olanda vaxtımızı, enerjimizi daha çox haqq edən problemsizlərə kifayət qədər yönəldə bilmirik, nəticədə ümumi performansımız, məhsuldarlığımız xeyli axsayır.. Həmin problemsizlərə “toxunanda” daha böyük dəyər yarada bilirik axı..
“Problemli uşaq”lara görə itirdiklərimizi hesablamırıq çox vaxt. Özümüzə davamlı olaraq sual verməliyik. Bizə lazımdırmı (çox vacibdirmi) bu işçi ilə uğraşmaq? Bizə lazımdırmı bu tədarükçü ilə uğraşmaq? Çox vacibdirmi bu müştəri ilə uğraşmaq və s. Bir çox hallarda həmin problemli uşağı “ləğv” edib xeyli dərəcədə qayğıdan xilas olmaq mümkün olur və ümumi performans yaxşılaşır.
