Potensial vs. Performans

İdarəçiləri yanıldan məsələlərdən biri potensialdır. Bəzən biz əvvəlki (keçən ilki, keçən aykı və s.) nəticəmizlə müqayisədə artıma nail oluruq, bu nəticədən razı qalırıq, amma xəbərimiz olmur ki, potensial qat-qat daha çox imiş.
Misal üçün, bir satış təmsilçisi 100K manat satış potensialı olan ərazidə davamlı 90K-100K arası satış edir, düşünə bilərik ki, artım yoxdur, yerində sayır.. Digər tərəfdən, başqa ərazidə hər ay satışını artıran, 120K manata çatdıran satış təmsilçisinin nəticəsi bizi daha məmnun edir. Halbuki, o ərazidə potensial 200K imiş.
Bu duruma düşməmək üçün bazarın imkanları və potensial davamlı olaraq araşdırılmalıdır. Araşdırma və təhlillər hər bir idarəçi üçün vazkeçilməz olmalıdır.