Şirkətin missiyasının nə demək olduğunu çox adam bilir. Amma nəyə xidmət etdiyi çox da müzakirə mövzusu deyil. Deyək ki, MİSSİYA şirkətin mövcudluq səbəbini (dünyaya niyə gəldiyini) ifadə edir. Bəs nəyimizə lazımdır?
Bunun üçün əvvəlcə biznesin ana məqsədinə baxaq. Biznes özünün sahibi (sahibləri) üçün dəyər (mənfəət, marka dəyəri və s.) yaradır. Bu halda bəs digər maraqlı tərəfləri, steykholderləri (işçilər, müştərilər, dövlət orqanları, ictimaiyyət, tədarükçülər, investorlar və s.) necə “səfərbər” edə bilərik şirkətin ətrafında? Onların dəstəyini necə ala bilərik? Bunun üçün MİSSİYA (mission statement) ortaya çıxır. MİSSİYA o qədər güclü olmalıdır ki,
- İşçilər fəxr eləsinlər həmin şirkətdə işləməyə
- Müştərilərin şirkətə marağı artsın
- İnvestorlara, digər maraqlı tərəflərə cəlbedici olsun və s.
Amma missiya sözdə qalmalı deyil. Yalnız saytda yazmaq üçün, korporativ təqdimatda qeyd etmək üçün deyil. Real həyatda özünü göstərməlidir ki, effektli olsun.
Bir misal. SAT Group şirkətinin missiya bəyanatı aşağıdakı kimidir:
Biz peşəkarlar yetişdirməklə, şirkətlərimizin inkişafına dəstək olmaqla nəticədə iqtisadiyyatımızın, ölkəmizin inkişafına töhfə veririk.
Bu missiya bəyanatının real praktikada tətbiqi əməkdaşları şirkətə daha çox bağlayır. Fəxr edirlər belə bir missiyası olan şirktədə işləməyə. Digər steykholderlər (təlimçilər, müştərilər, tərəfdaşlar, dövlət orqanları və s.) də daha çox dəstək verirlər şirkətin fəaliyyətinə bu halda.
