Biznesin ən böyük düşmənlərindən biri lənglikdir. Biznesimizin effektivliyini, rəqabətliliyini artırmaq üçün SÜRƏTin rolu hər keçən gün artır. Ən başlıcası ona görə ki, müştərilər bizdən daha tez reaksiya gözləyirlər. Daha tez fayda götürmək istəyirlər. Yəni TTV (time-to-value) mümkün qədər qısa olmalıdır. Rəqiblər də yerlərində saymırlar. Biznes mühiti də çox sürətlə dəyişir. Bu amillərin öhdəsindən gəlməliyik.
Çalışmalıyıq şirkətdə “sürət mədəniyyəti” olsun, bununla da sürətli işləmək vərdişi olsun. Bütün işçilər sürətli işləməyin əhəmiyyətini başa düşsün və bunun üçün maksimum çalışsınlar. Sürəti artırmaq üçün:
-Mümkün olan qədər avtomatlaşmaya getməliyik
-Biznes prosesləri təkmilləşdirməliyik
-Qərarvermə sürətini artırmalıyıq. Qərarvermə darboğazlarını (qərarları ləngidən maneələri) aradan qaldırmalıyıq.
-Data menecment təkmil olmalıdır. Amma çalışmalıyıq datanın olması bizim ləng qərar verməyimizə səbəb olmamalıdır. “Analiz-paraliz” təhlükəsini önləməliyik.
-Sürətli öyrənməliyik
-Aşırı mükəmməllik vurğunu olmamalıyıq. Bir çox hallarda işin tez görülməyi mükəmməllikdən daha vacib olur. Biz sürətli olanda səhvlərimizi düzəltməyə də vaxtımız olur.
-Deadline mədəniyyəti olmalıdır. İşin vaxtında görülməməsinə adi hal kimi yox, “dünyanın axırı kimi” yanaşmalıyıq.

Burdan çıxan nəticə odur ki, şirkətimizin sürətini artırmaq üçün hər şey etməliyik. Gec icra olunanda bir çox şeylər əhəmiyyətini ya azaldır, ya da itirir.