Biznesdə effektivlik yaratmağın ən vacib təməl şərtlərindən biri aydınlıqdır. Nə deməkdir aydınlıq? – Aydınlıq qarmaqarışıqlıq, çaşqınlıq və qeyri-müəyyənliyin minimum həddə olması deməkdir. Yəni
– Şirkətin AYDIN vizyonu olmalıdır
– AYDIN strategiya olmalıdır
– AYDIN prioritetlər olmalıdır
– AYDIN hədəflər olmalıdır
– KPİ-lar AYDIN olmalıdır
– Biznes proseslər AYDIN olmalıdır
– Təşkilati struktur çox AYDIN olmalıdır
– İş bölgüsü AYDIN olmalıdır
– AYDIN hesabaqlıq sistemi olmalıdır. Kimin kimə hesabatlı olduğu, kimə tabe olduğu aydın bilinməlidir. Biznes çoxmüdürlülüyü sevmir.
– AYDIN qərarvermə mexanizmi olmalıdır. Dəqiq bilinməlidir ki, hansısa qərarın verilməsi kimlərdən asılıdır, hansı şəkildə olmalıdır. Qeyri-müəyyənlik olmamalıdır.
– Səlahiyyətlərin sərhədləri AYDIN olmalıdır.
– İşçilərlə, müştərilərlə və digər steykholderlərlə kommunikasiya çox AYDIN şəkildə aparılmalıdır. Konkretlik olmalıdır.
Aydınlıq şirkətdə kəsərlilik yaradır. Yuxarıda qeyd edildiyi kimi, qarmaqarışıqlıq olmur, çaşqınlıq olmur, qeyri-müəyyənlik olmur. Bu o deməkdir ki, hamı işinin adını dəqiq bilir, kimə hesabatlı olduğunu bilir, onlardan nə gözlənildiyini dəqiq bilir, hədəflərini bilir və s.
Nəticədə vaxt israfı minimuma enir. Hər kəs fokusunu dəqiq bilir, işinə fokuslanır, fokusdan yayınma olmur. Bu halda təbii ki effektivlik yüksək olacaq.
