Beyin yadda saxlamaq üçün deyil

İnsanın ən lazımlı orqanlarından olan beynimizi bəzən mənasız yerə “işlədirik”, xarab edirik. Beyin məlumatları yadda saxlamaq üçün deyil. Beynin daha lazımlı funksiyaları var ki, onlardan faydalanmalıyıq. Düşünmək, yaradıcılıq, konsentrasiya olmaq, nəticə çıxarmaq, qərar vermək və s. Məlumatları saxlamaq üçün və emal etmək üçün müasir texnoloji alətlərdən istifadə etməliyik.
Şirkətdə də belədir. Şirkət kiçik olanda hətta bir çox məlumatları əzbər yadda saxlamaq mümkündürsə, şirkət böyüdükcə və mürəkkəbləşdikcə bu mümkünsüz olur. Digər tərəfdən, yaddaşla işləmək doğru deyil – hətta kiçik şirkətdə də. Beyni mənasız yerə yükləmək, əlavə stres və gərginlik yaratmağa ehtiyac yoxdur. Bütün bunları nəzərə alaraq düzgün analitika, hesabatlıq, nəzarət sistemi qurmaq lazımdır.