Biznesdə 2 fərqli “dəyər” anlayışı var. Çox vaxt da qarışdırılır.
Əslində bu 2 dəyər şirkətin özülünü formalaşdırır. Birincisi, “dəyər yaratmaq” fəlsəfəsini qəbul etmək. İkincisi də, şirkət mədəniyyətini formalaşdıran dəyərlər (core values).
İkincidə problem olanda birincidə gec-tez ciddi fəsadlar yaranır.
Şirkətlər bir neçə istiqamətdə dəyər yaradırlar: maliyyə dəyəri (mənfəət, rentabellik və s.), marka dəyəri, müştəri dəyəri (CLV), məhsul portfelinin dəyəri, insan kapitalı (ELV) və s.
Bu dəyər yaratma prosesi o vaxt effektiv olur ki, şirkətin dəyərləri (korporativ mədəniyyəti) buna imakn versin.
Bax bu 2 dəyər anlayışındadır məsələ… Şirkətin yetkinliyi bu 2 dəyər anlayışını nə dərəcədə qavradığı, inandığı və önəm verməyi ilə birbaşa bağlıdır.
Buna görə də 2 fərqli “dəyər” anlayışı şirkəti şirkət edir.
