Bilirik ki, işçilərin mehribançılığı şirkət üçün çox lazımdır. İşçilərin mehriban olması iş mühitini xeyli dərəcədə sağlamlaşdırır. Bunun üçün (teambuilding) şirkətlər böyük pullar xərcləyirlər. Bu belə..
Bir də işçilərin yarışmasını düşünək.. Düzdür, işçilərin arasında yarış təşkil etmək qısa müddət ərzində nəticəni artırır. Bu şübhəsizdir. Amma bu eyni zamanda şirkətin komanda ruhuna mənfi təsir göstərir. Çünki işçilər bir-biri ilə yarışırlarsa, nəinki iş yoldaşının zəif performansını arzulayar, hətta onun performansına mane olar bacardığı qədər. Bu, şirkətçiliyi zədələyən amildir. Bunun fərqində olmaq lazımdır.
Açığı, mən də yarışdan bir alət kimi istifadə etmişəm. Qısa müddətdə müsbət təsirini də görmüşəm. Amma eyni zamanda görmüşəm və başa düşmüşəm ki, şirkətdaxili iş mühitinə mənfi təsir göstərib.
Yarış heç keçirilməməlidir demirəm, əsas məsələ odur ki, yarış keçirilsə belə iş mühitinə mənfi təsirini də tərəziyə qoyaq, nəzərə alaq.
