Rəhbər üçün çox vacib xüsusiyyətlərdən biri standartlardan, qəliblərdən çıxa bilməkdir. Standartların və sistemin olması çox yaxşıdır, amma onlar biznesə maneə üçün olmamalıdır. Biznesin qarşısını kəsməməlidir. Biznes üçün dəyər yaradan qeyri-standart, amma uyğun addımlar atıla bilər. Belə təcrübələr çox yaşamışam. Məsələn:
- Yaxşı kadr görürəm. Vakansiya yoxdur, amma bu adam şirkətə çox böyük dəyər qata bilər. Bu halda həmin şəxsi cəlb etmişəm komandaya və faydasını görmüşəm.
- FMCG şirkətləri üçün dekabr ayı çox önəmli aydır. Azgranata’da biz bir neçə il dekabr ayını 1 dekabrda deyil, 1 həftə əvvəldən başlamışıq və çox böyük müsbət təsirini görmüşük. 31 günlük deyil, 36-37 günlük hədəf qoymuşuq, bütün şirkətlərdən qabaq dekabr təkliflərini təqdim etmişik müştərilərə və s.
