İdarəetmədə qaydaların, standartların olması vacibdir və çox faydalıdır. Amma gərək qaydaların “əsiri” olmayasan. Daha çox prinsipləri əsas götürmək lazımdır. Mən şəxsən belə yanaşmağa üstünlük verirəm.
Prinsip əsaslı idarəetmədə də qaydalar olur, amma qaydalardan daha çox prinsiplər əsas götürülür.
Məsələn, daha çox satış etməyə yönəlmiş qaydalarımız var. Amma elə situasiya ola bilər ki, qaydamızı “pozmaqla” daha çox satış edərik. Bu ondan irəli gəlir ki, ana prinsiplər daha dominant olmalıdır. Qaydalar çox satmaq üçündür, hansı situasiyada həmin qaydalar ana prinsiplərə zidd olaraq çox satmağa mane olarsa, qaydalarda kompromis (şirkətə başqa mənfisi yoxdursa) edəcəyik.
