“Görə bilmək” biznes adamı üçün ən önəmli cəhətlərdəndir. Rəqibləri görə bilmək, imkanları görə bilmək, problemləri görə bilmək, gələcəyi görə bilmək və s.
Bura kadr bazarını görə bilmək də aiddir. Bir çox biznes adamlarımız məhz burda axsayırlar. Kadr bazarını araşdırmağa çox önəm vermirlər və ya prioritet kimi baxmırlar. Bir tərəfdən də şikayət edirlər ki, kadr tapa bilmirik. Day sən 10 il əvvəlin maaşını təklif edirsənsə, təbii ki tapa bilməyəcəksən. Və ya doğru yerdə axtarırsanmı kadrları? Mövcud kadrlarına rəqabətli maaş verə bilirsənmi?
Bütün bunlar üçün kadr bazarını yaxşı hiss etmək lazımdır. Kadr bazarını görə bilmək önəmlidir.
Başqa bir problem də kadr tapa bilməyib bununla barışanlardır və ya aşağı keyfiyyətli (inferior) kadrlarla davam etməkdir. Inferior kadrlarla necə böyük dəyər yaratmaq olar? Kadrları vakansiyanı doldurmaq xətrinə yox, dəyər yaratmaq üçün cəlb etməliyik. Bunun üçün həqiqi dəyər yaradacaq, potensiallı kadrlar olmalıdır. Yeri gələndə daha çox pul xərcləyəcəyik, nəticədə qat-qat artıq dəyər yaradacağıq. Əsas odur bazarı görə bilək və dəyər yaratmaq məntiqini unutmayaq.
