Biznes münasibətlərinin sağlam olması gözləntilərin doğru şəkildə uzlaşdırılmasından keçir. Bəs nə nəzərdə tuturuq gözləntilərin uzlaşdırılması dedikdə?
- Müştərilərin gözləntilərini biznesinizlə uzlaşdırın
Müştərinin istəkləri, ehtiyacı nədən ibarətdir? Biz ona nə dərəcədə uyğun həll verə biləcəyik? Bəlkə müştərini maarifləndirməyə ehtiyacvar? Bəlkə müştəri ilə daha açıq danışmağa ehtiyac var? Yaxşı uzlaşdıra bilmək üçün müştərimizi yaxşı tanımalıyıq. Empatiya qurmağı bacarmalıyıq.
- İşçilərinizin biznesdən gözləntilərini sizin onlardan gözləntilərinizlə uzlaşdırın.
Çox açıq şəkildə işçilərdən gözləntilərimiz dilə gətirməli, onların da şirkətdən gözləntilərini başa düşməliyik. Qarşılıqlı uzlaşma tapmağa çalışırıq, tapılmadıqda nə işçinin vaxtı israf olunmamalı, nə də şirkətin. Şirkət hədəflərinin işçinin hədəfləri ilə uzlaşdırılması üçün güclü performans menecment sisteminə ehtiyac var. Bunun üçün isə əvvəlcə şirkətin aydın strategiyası, hədəfləri olmalıdır. Bəzən praktikada görürük ki, çox savadlı, hazırlıqlı işçidir. Amma yaxşı nəticə göstərə bilmir. Çünki onun savadı ilə şirkətdəki şərtlər (iş mühiti, hədəflər, struktur, biznes model və s.) düzgün uzlaşdırılmayıb.
- Səhmdarlarla gözləntilərinizi uzlaşdırın.
Səhmdarların səsləndirdikləri və səsləndirmədikləri gözləntiləri olur menecmentdən. Ya onlarla razılaşıb o şəkildə idarə etmək lazımdır, ya da gözləntiləri açıq şəklildə danışıb uzlaşdırmaq lazımdır. Əks halda problemin yaranma ehtimalı artır.
- Şərikinizin gözləntilərini öz gözləntilərinizlə uzlaşdırın.
Şəriklik asan məsələ deyil. Qarşılıqlı güzəştlər olmalıdır daima. Münasibətlərin qorunması çox vacibdir. Bunun üçün də mütləqdir ki, vizyon, biznesə yanaşma, gözləntilər dəqiq şəkildə uzlaşdırılsın əvvəlcədən.
- Və s.
Bunları etmədikdə sonradan böyük problemlər yarana bilir. Sonrakı konfliktlərin, narazılıqların minimuma endirilməsi üçün bu vacibdir.
