Mənim bir keçmiş iş yoldaşım var. Eşitmişdi ki, keçən ay hansısa məhsula fokuslanıb onun satışını artırmışıq. Sual elədi ki, fokuslanmaq satışı artırırsa, niyə bütün məhsullara fokuslanmırıq? Doğrudan belə dedi ha..
Gəlin əvvəlcə baxaq ki, fokuslanmaq nəyə lazımdır? Niyə vacibdir?
Çünki insan övladının malik olduğu resurslar məhduddur. Pulumuz məhduddur, vaxtımız məhduddur, enerjimiz məhduddur və s. Bu məhdud resursları mütləq ən vacib istiqamətlərə yönəltmək lazımdır. Ən vaciblərə fokuslanmaq lazımdır.
Şirkətin strategiyası onun strateji fokusudur. Həm də buna görədir ki, şirkətin mütləq strategiyası olmalıdır. Şirkət öz doğrularını müəyyən edib onlara fokuslanmalıdır. Bu doğrulardan ibarət yol xəritəsi onun strategiyasıdır.
