Bu, biznes üçün ciddi təhlükədir.
Bir çox sahibkar və şirkət rəhbəri böyümək istəyir, amma mövcud kapasitə ilə. Məsələn, fabriki var, bütün gələcək planlarını yalnız o fabrikin divarları və dəzgahları üzərində qurur. Fabrikin gücü nəyə çatırsa, vizyonu da orda dayanır.
Amma sual başqadır:
- Bəlkə fabrikin gücünü artırmaq lazımdır?
- Bəlkə kənarda (outsource) istehsal etmək lazımdır?
Söhbət təkcə istehsal gücündən, istehsalı kapasitəsindən də getmir heç. Satış kapasitəsi, əməliyyat kapasitəsi, müştəriyə xidmət edə bilmə kapasitəsi və s.
Mövcud kapasitəni, əlbəttə, nəzərə almalıyıq. Realist olmaq vacibdir.
Amma əsas məsələ odur ki, mövcud kapasitənin “əsiri” olmamalıyıq.
Biznes strategiyasını resurslar müəyyən etməməlidir, strategiya resurslara qərar verməlidir.
