Effektiv, peşəkar idarəçilik emosional olaraq yetkin olmağı tələb edir bizdən. Bəzən sənin xoşuna gəlməyən söz eşidəcəksən, xoşuna gəlməyən insanları görəcəksən, işlər xoşuna gəlməyən istiqamətdə gedə bilər, əhvalın olmaya bilər.. Bütün bunlar reallıqdır və biz bunları normal qəbul etməliyik. Çalışmalıyıq ki, bütün bu situasiyalarda təmkinli ola bilək, böyüklüyümüzü qoruya bilək. Emosional yetkinlik o deməkdir ki,
-səni asanlıqla əsəbiləşdirmək olmur
-hər cür çətin söhbətlərə, dialoqlara hazırsan
-emosiyaları kənara qoyub gərəkən realist qərarları verə bilirsən
-çox çətin situasiyalarda belə əhvalını toparlaya, yumor hissini qoruya bilirsən
-hər situasiyada emosiyalarını cilovlaya bilirsən
-hər kəslə istənilən mövzunu rahat danışa bilirsən. İstənilən sualı eşitməyə və cavablandırmağa hazırsan
-optimizmi hər zaman qoruya bilirsən və s.