Biznes idarəçiləri çox hallarda şirkətin yaxşı işləyən, yaxşı nəticələr verən nöqtələrinə “toxunmaq” istəmirlər. Başqa sözlə, yaxşı oynayan oyunçunu dəyişməyə risk etmirlər.

Ümumilikdə bu hal başadüşüləndir. Biznesin əsas güclü hissələrinin üzərində risk etmək istəmirlər. Bununla belə, unutmamaq lazımdır ki, bir çox hallada həmin nöqtələrə ağıllı toxunuşlar etməklə biznesə daha böyük dəyər qatmaq mümkün olur. O nöqtələr şirkətin əsas dəyər yaradan, prioritet nöqtələridir. Ora fokuslanmaq, təkmilləşdirmək şirkətin dayanıqlılığını daha da artırır (əksər hallarda). Təbii ki, bu toxunuşları həssaslıqla, ehtiyatla etmək lazımdır.