Demokratik idarəetmənin yaxşı idarəetmə olduğundan danışanda tez-tez eşidirik ki, bəs işçilər sui-istifadə edər, işləməz, məhsuldarlıq aşağı düşər və s.
Doğrudanmı belədir? Doğrudanmı işçilər işləməzlər demokratik mühit olanda?
Yox, əlbəttə. Demokratik idarəetmə elə məhsuldarlığı maksimuma qaldırmaq üçün tətbiq edilir. Əsl demokratik idarəetmə çox tələbkar olmağı tələb edir. İşçilərə işləmək üçün maksimum şərait yaradırıq, tələbkar olmağı da daha çox haqq edirik bu halda. Daha çox “üzümüz olur” işçidən iş tələb etməyə.
Digər tərəfdən, demokratik idarəetmədə işçilərin motivasiyası, xoşbəxtliyi, şirkətə bağlılığı daha çox olduğu üçün bu, məhsuldarlıqda da, nəticələrdə də özünü göstərir.
Sui-istifadə edənləri isə demokrarik rəhbərlər heç vaxt bağışlamazlar. Hər kəs görər ki, sui-istifadə etmək sərf etmir.
Bəzən mənim çıxışlarım yanlış anlaşılır – sanki rəhbərin bütün diqqəti işçilərin rahatlığı və xoşbəxtliyi olmalıdır. Bunlar olmalıdır, amma bütün bunları şirkətin mənafeyi tələb edir. Son məqsəd işçilərin rahatlığı deyil burda. Şirkətin hədəflərinə çatmaq üçün, şirkətin performansını yüksəltmək üçün işçilərə meydan veriməlidir, şərait yaradılmalıdır, motivasiyalarının yüksək olmasına çalışılmalıdır – paralel olaraq da daha “yüksək səslə” iş (nəticə) tələb olunmalıdır. Vəssalam..